|
(Ва намозни тўкис адо қилишиб, закотни берсалар?), деган гап эса Исломга кирсалар деганидир. Бу ерда қисмни бутун маъносида қўллаш қоидаси ишлатиляпти. Чунки қисм гоҳида бутунни англатади.
فَخَلُّواْ سَبِيلَهُمْ
(уларнинг йўлларини тўсмангиз!). Яъни, жанг қилманглар. Бу ердаги шартнинг мафҳуми мухолафасига ҳам амал қилинади. Яъни, агар улар тавба қилмасалар, намозни адо этмасалар, закотни бермасалар, бир сўз билан айтганда кофирликларида қолсалар, Исломга кирмасалар, олдиндан кофир бўлишлари ёки олдин мусулмон бўлиб, кейин диндан қайтган бўлишларидан қатъий назар, улар билан жанг қилинади.
Шунга биноан, Исломни ёйиш, Аллоҳнинг сўзини олий қилиш йўлидаги шаръий қоидаларга риоя қилинган ҳолда олиб борилган жанг йилнинг ҳамма ойларида жоиздир. Уруш ҳаром қилинган ойларда, ҳаром қилинмаган ойларда ҳам. Замон ҳақидаги гапимиз мана шу. Энди маконга келадиган бўлсак, худди шундай жанг ҳамма маконда ҳатто Ҳарамда ҳам жоиздир. Такрор айтамиз, агар мақсад Аллоҳнинг сўзини олий қилиш ва одамларни Исломга киритиш бўлса. Дейлик, Маккада ёки бошқа жойда муртадликлар кўпайиб, куфр ёйилган бўлса, ҳокимият кофирларнинг қўлига ўтган бўлса, бу ишни бартараф этиш учун, Маккани яна мусулмонлар қўлига қайтариш учун улар билан жанг қилинади. Ҳатто улар Ҳарамга беркиниб, қўрғонланиб олган бўлсалар ҳам, ҳатто уруш ҳаром қилинган ойлар пайти бўлса ҳам улар билан жанг қилинаверади.
б) Шу нарсани айтиб ўтиш мақсадга мувофиқки, агар Ҳарамга беркиниб, қўрғонланиб олган кофирлар ва муртадлар ўзларини ҳимоя қила оладиган куч бўлганларидагина яъни, уларга нисбатан уруш воқеи тўғри келган пайтдагина улар билан жанг қилинади. Лекин агар улар якка шахслар ёки ўзини ҳимоя қила олмайдиган жамоалар бўлсалар, уларга нисбатан уруш воқеи тўғри келмайди. Шунинг учун улар билан жанг қилинмайди. Улар жазога тортиладилар. То таслим бўлгунларига қадар халифа уларнинг гирибонидан олади. Ё таслим бўладилар ёки жон таслим қиладилар.
Мана шуларнинг барчаси Ҳарамда ёки уруш ҳаром қилинган ойда биринчи бўлиб уруш бошлаш ҳақидаги гаплардир. Лекин агар уларнинг ўзлари уруш бошласалар, ёки уруш бошқа ойда бошланиб, уруш ҳаром қилинган ой кириб қолган бўлса, бундай пайтда жанг қилинавериши ҳақида юқорида айтиб ўтган эдик.
206-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208